Ременски: “Неморалниот и неодговорниот” Павле ја има доблеста да го трпи линчот од моралистите спинери
Објавено во: Македонија 18 Мај, 2019
Пратеничката Фросина Ременски, вчера застана во одбрана на колегата Павле Богоевски, откако се појави аудио снимката на која се слуша како тој наводно порачува наркотици.
Таа го спореди Богоевски со екс премиерот, Никола Груевски, и рече дека за разлика од него кој никогаш не призна дека „бомбите“ се автентични, Богоевски барем призна дека се работи за неговиот глас.Ременски кажа дека додека се делат лекции за морал и етика, Богоевски призна дека тоа е неговиот глас, а не рече дека е „сечено, лепено, монтирано“.
„Спремен е да одговори на сите заинтересирани и не бега од линчот и епитетите кои толку многу му ги наредија. Истиот тој Павле ќе ја свика и ќе ја води седницата на Комисијата за мандатно-имунитетни прашања за одземање на мандатот на азилантот Никола Груевски кој го слушавме сите што се порачувал, барал и наредувал. Но, тој никогаш не призна дека снимките се автентични и не се сечени, лепени и монтирани, и далеку е од чувството на морал или храброст да се пријави во полиција и да каже каков е неговиот ќар од тоа што го порачуваше – провизии, уништување на судбини, прогони, шамари, луксуз, прикривање на убиства … “Неморалниот и неодговорниот” Павле ја има доблеста да го трпи линчот од моралистите спинери и нивните извршители кои сакаат да се подзаборави на мандатот на големиот поштењачина Груевски.
Како тргнале можеби ќе дознаеме и како избега …, преку сечено, лепено и монтирано.
До тогаш … Живели моралисти !“, пишува Ременски на фејсбук.
Откако се појави снимката, Богоевски веднаш кажа дека не нарачува дрога, туку масло од канабис за близок, а од ВМРО-ДПМНЕ побараа негова оставка.
ОЈО побарало од Русија да помогне за откривање на идентитетот на лицето кое се крие зад псевдонимот Илија Громовник, кој честопати објавува нови „бомби“ поврзани со луѓе од политичкиот и бизнис врвот на Македонија.