Родителите на Меланија Трамп станаа американски државјани
Објавено во: Стил 10 Август, 2018
Американските медиуми јавија дека родителите на Меланија Трамп добија американско државјнство.
Тоа го потврди адвокатот на Виктор и Амалија Кнавс кој истакна дека од синоќа словенечката двојка се официјално државјани на САД.
Виктор Кнавс (74) е две години постар од својот зет, додека Амалија е на 73-годишна возраст.
Првата дама на САД (48) е родена во Ново Место во Словенија. Татко и бил продавач на автомобили, а мајка и работела во текстилна фабрика. Меланија живее во Њујорк од 1996 година, а за американскиот претседател Доналд Трамп се омажи во 2005 година и во 2006 добива американско државјанство.