Романската влада преживеа при гласањето на недоверба
Објавено во: Свет 08 Февруари, 2017
Пратениците во романскиот парламент гласаа против поднесената интерпелација на владата. Гласањето беше побарано минатата недела од пратеници од опозициската Национал-либерална партија и од партијата Сојуз за спасна Романија.
Настаните се последица на масовните протести, кои започнаа на 22 јануари, во кои демонстрантите стравуваа дека по промените во Кривичниот законик и декретот за амнестија, направени по иницијатива на кабинетот на слобода ќе излезат корумпирани политичари, а исто така опасни криминалци. Измените во законот предвидуваа амнестија за затворски казни, помали од 5 години, и декриминализација на злоупотреба на власт, ако штетите не надминуваат 200 000 леи (околу 40 000 евра). Тогаш владата ја објасни својата одлука со потребата да се растеретат преполните затвори.
Поради протестите романската влада го укина скандалозниот корупциски закон, но протестите не запреа. Во меѓувреме стана јасно дека владата е сокрила од Европската комисија какви точно се мотивите за скандалозните измени во Кривичниот законик на земјата. Според публикацијата, романскиот министер за надворешни работи Теодор Мелешкану претставил во Брисел "целосно искривена варијанта" на мотивите со кои владата издаде вонреден декрет 13/2017 за измени во кривичното законодавство.
Денес министерот за надворешни работи на Раманија најави дека останатите министри нема да имаат право да се сретнуваат со странски амбасадори во Брисел без претходна дозвола на Министерството за надворешни работи на Романија, пишува Romania Insider.