Румен Радев се сретна со Добрила Кацарска
Објавено во: Балкан 09 Јуни, 2021
Претседателот на Бугарија, Румен Радев, вчера имал средба со новоизбраната претседателка на Уставниот суд на Северна Македонија, Добрила Кацарска, пренесуваат бугарските медиуми.
Радев вчера во својата резиденција, покрај со Кацарска, имал средба и со други судии од Уставниот суд на Македонија. На состанокот учествувале, како што се вели во претседателското соопштение, председателите на Уставните судови на Бугарија и Република Северна Македониа - Борис Велчев и Добрила Кацарска.
„Правната соработка помеѓу Бугарија и Република Северна Македонија во контекст на Европска интеграција на нашиот југозападен сосед беше во фокусот на состанокот. Шефот на државата изрази подготвеност на нашата земја да го сподели со Република Северна Македонија своето искуство во областа на уставното право и спроведените законски измени за време на пристапувањето на нашата земја во ЕУ“, истакнал Радев по средбата.
Бугарскиот претседател, исто така, повика на проширување на билатералниот дијалог меѓу Софија и Скопје на различни полиња и да се постигне одржлив резултат во градење на добрососедските односи меѓу двете земји.