Румен Радев за Македонија: Демократијата и правниот поредок се патот за излез од кризата
Објавено во: Македонија 28 Април, 2017
Бугарскиот претседател, Румен Радев изрази длабока загриженост од создадената тензија во Република Македонија и судирите во Парламентот, што доведоа до неколку десетици повредени лица, меѓу кои и пратеници.
Тој ги повика сите партии во Република Македонија да го почитуваат демократскиот процес и да водат дијалог, пренесува БТА.
„Демократијата и правниот поредок се патот за излез од кризата. Верувам дека Република Македонија нема да застрани од овие eвропски вредности“- смета бугарскиот претседател.
Претседателот ги повика и бугарските граѓани на мир.
„Под раководна палка на вицепремиерот Стефан Јанев синоќа беше свикана итна средба на министерот за внатрешни работи и компетентните служби, на која беше направена анализа на ситуацијата и е констатирано дека нема непосредни ризици за Бугарија“- се наведува во соопштението од прес службата на шефот на државата.
Денеска стигнуваат реакции од земјите од соседството за судирите синоќа во Собранието, каде граѓани повредија пратеници.