Русија ги запира заедничките проекти, ако Црна Гора влезе во НАТО
Објавено во: Балкан 02 Декември, 2015
Русија ќе ги прекине заедничките проекти со Црна Гора, ако оваа балканска земја се приклучи кон НАТО. Ова го изјавил шефот на Советот за одбрана и безбедност на Руската Федерација, Виктор Озеров.
Озеров, изјавил дека дел од намалените проекти ќе бидат во сферата на безбедноста. Поголемите сепак се економското значење на односите помеѓу Подгорица и Москва.
Утринава Советот на министри за надворешни работи на земјите-членки на НАТО ја покани Црна Гора да започне преговори за членство во Алијансата.
Со поканата за започнување на преговорите за Црна Гора вкупниот број на балканските држави, кои ќе членуваат во Алијансата, може да се зголеми за 8.
Црна Гора е последната земја која се отцепи од веќе непостоечката Југославија. Фактички со нејзиното излегување се распадна и сојузната држава, формирана по Првата светска војна. Подгорица има историски многу силни политички, културни и економски врски со Русија.
„Русија верува дека евентуалното членство на Црна Гора во НАТО во сегашните услови би било избрзано решение“, изјавил претходно овој месец, рускиот заменик-амбасадор во Подгорица, Владимир Гурко, и уште тогаш предупредил за „негативни последици“ од таквата одлука на црногорските власти.
Москва е против било какво проширување на воениот пакт предводено од САД на Западен Балкан. Според руските лидери, тоа противречи на политиката за паневропската безбедност и доведува до обновување на Железната завеса од Студената војна.