Русија прифаќа поделба на Косово, но дали Косово ќе се сложи?
Објавено во: Балкан 31 Мај, 2018
Косовскиот вицепремиер, Енвер Хоџај реагираше синоќа на изјавата на амбасадорот на Руската Федерација во Белград Александар Чепурин, кој изјави дека, доколку Србија смета дека е оправдана размената на територии со Косово, Москва ќе го поддржи таквиот процес, јавува дописникот на МИА од Приштина.
Хоџај напиша на Твитер дека таквите изјави на рускиот дипломат се „обид да се пренесе рускиот пристап кон поделбите од Евро-Азија на Балканот“.
„Балканските граници се непроменливи и секоја идеја за поделби е извор на нови конфликти. Не, благодариме!“ - напиша тој.
Рускиот амбасадор во Белград изјави дека Москва „ја почитува позицијата на Србија и ќе поддржи решение за кое таа мисли дека е добро за неа“.
„Тоа подразбира и поделбата на Косово, доколку Србија смета дека тоа е најдоброто решение за неа“- кажа амбасадорот.
И претходно се споменуваше идејата за поделба на Косово.