РУСИЈА СЕ ЗДРУЖУВА СО ТАЛИБАНЦИТЕ: Со заеднички сили во борба против ИСИС!
Објавено во: Свет 25 Декември, 2015
Владата на рускиот претседател Владимир Путин е во контакт со талибанците во Авганистан, рекол портпаролот на руското министерство за надворешни работи Марија Захарова. Оваа „врска“ подразбира размена на информации во врска со борбата против Исламска држава.
Меѓутоа, многумина овој потег го сметаат многу ризичен бидејќи Путин се здружува со непријателот на својот непријател.
Донеодамна не беше дозволена размена на оружје со талибанците, меѓутоа сега состојбата е променета. Исламска држава на е подрачјето на Авганистан зајакна и во последните неколку месечи таму се појавиле 3000 нови џихадисти, што никако не и одговара на Русија.
Интересите на Русија во Авганистан „објективно се поклопуваат“ со интересите на талибанците во борба против Исламска држава, изјавил претставник на руското Министертво за надворешни работи и специјален избраник на рускиот претседател Путин за Авганистан, Замир Кабулов.
Русија воспостави канали на комуникација за размена на информации со талибанците, рекол Кабулов.
Покрај тоа, официјална Москва е спремна и да го снабдева Авганистан со оружје, но тоа ќе го направи „внимателно и на комерцијална база“, рекол руски претставник.