САД ги повлекува дипоматите и можно е да ја затвори амбасадата во оваа земја
Објавено во: Свет 29 Септември, 2017
САД ќе повлечат скоро 60% од персоналот во амбасадата во Куба како одговор на мистериозните акустични напади врз американските дипломати.
Стејт департментот денеска соопшти дека амбасадата во Хавана ќе остане отворена и ќе обезбедува итни услуги, но редовното издавање визи ќе биде прекинато.
Американците се предупредени да не ја посетуваат Куба затоа што некои од нападите се случиле во хотели, објави Би-Би-Си.
Од крајот на 2016 година досега повеќе од 20 американски дипломати се пожалиле на тегоби, губење на слухот, вртоглавици и мачнина. Куба отфрла каква било поврзаност.
Минатата недела американскиот државен секретар, Рекс Тилерсон, изјави дека се разгледува можноста за затворање на амбасадата во Хавана.
САД повторно ја отворија амбасадата во Хавана во 2015 година по неколку децении замрзнати односи. Во 2016 година Барак Обама стана првиот американски претседател што ја посетил Куба од Келвин Кулиџ во 1928 година.