САД ја предупреди ЕУ да не го одложува повеќе договорот со Грција
Објавено во: Економија 30 Мај, 2015
Министерот за финансии на САД Џејкоб Лиу ги повика европските лидери и меѓународните кредитори да се договорат со Грција за долгот и да не го одложуваат повеќе.
Тој предупредил дека секое одложување носи нови по себе ризици, а таков ризик е Атина да ја напушти еврозоната, со што пак ќе има несогледливи последици не само за економијата на Европа.
Според него, премногу време веќе било потрошено непродуктивно и оваа недела веќе треба да се дојде до договор. Според него, Грција нема друг избор освен да покаже флексибилност и да превземе „некои тешки одлуки“.
Тоа го изјави Лиу во Дрезден, Германија, каде што пристигна за средбата со колегите од Г7.
Потсетуваме дека и покрај интензивните преговори, европските лидери се уште сметаат дека договорот е далеку од готов, додека Атина е убедена дека разговорите на финалнoто право и решение ќе се договори овие денови. Грчките власти веќе изјавија подготвеност за дијалог, во името на спасувачкиот заем, но предупредија дека не се склони кон драстични компромиси.
Директорот на ММФ Кристин Лагард изјавила дека е сосема можно Грција да ја напушти еврозоната.
До 5 јуни Грција треба да плати нова рата во Меѓународниот монетарен фонд. Атина сака кредиторите да и доделат 7,2 милијарди евра по спасувачката програма, но еврозоната инсистира на реформи и програма од страна на грчката влада.