Добивај вести на Viber
На средба во Брисел вчера, грчкиот премиер Андонис Самарас побарал од рускиот претседател Владимир Путин да се намали цената на рускиот природен гас за Грција.
Притоа, Самарас ги истакнал напорите, кои Грција ги презема за излез од кризата, напоменувајќи дека во таа насока ниските цени на енергенсите од Русија се особено важни за растот на грчката економија.
Истовремено, грчкиот премиер го споменал и интересот, кој Русија го покажува во однос на приватизацијата, што се спроведува во Грција, особено за грчките железници и пристаништа, а најмногу за пристаништето во Солун.
На средбата на маргините на состанокот на Советот Европска унија-Русија, Самарас и Путин разговарале за прашања од сферата на енергетиката, како и за процесот на приватизација во Грција.
Нема информации што одговорил Путин на барањето, но рускиот претседател го потенцирал значењето на туризмот за Грција, нагласувајќи дека минатата година оваа земја ја посетиле 1,2 милиони руски туристи. Тој додал дека трговската размена меѓу Русија и Грција забележала раст од 16 проценти.