Самит за вложувања во инфраструктурата на Западен Балкан
Објавено во: Економија, Свет 29 Мај, 2013
Денеска во Виена во организација на Меѓународната истражувачка мрежа почнува дводневен самит на инфраструктурата и градежништвото за Западен Балкан, јави Танјуг.
Целта на самитот е поврзување на владите на балканските земји, меѓународните финансиски институции и потенцијалните инвеститори.
На собирот ќе учествуваат претставници на влади и министри на Србија, Црна Гора, Босна и Херцеговина, Македонија, Хрватска и Албанија, како и претставници на меѓународни финансиски институции и странски инвеститори.
Претставници на владите ќе имаат можност потенцијалните инвеститори да ги информираат за стратегиите и идните инфраструктурни проекти, додека инвеститорите, покрај останатото, ќе можат и да се информираат за процесот на усогласување на правната регулатива на балканските земји со регулативите на ЕУ и да се запознаат со јавно-приватното партнерство на Балканот.
ИРН, чие седиште е во Лондон, истакнува дека самитот е можност потенцијалните инвеститори да се сретнат со претставници на владите, директорите на компаниите од различни инфраструктурни сектори како и да слушнат од прва рака за проектите за кои се распишани тендери.
Тема на самитот ќе биде сообраќајната, енергетската и водостопанската инфраструктура на Западен Балкан.
Можеби ќе ве интересира
УШТЕ ЕДНА ЗЕМЈА САКА ДА ВЛЕЗЕ ВО БРИКС: Земја сојузник на Путин
„ДИЗЕЛАШИТЕ“ ИТНО НА БЕНЗИНСКА, ОД УТРЕ ЌЕ ПЛАЌААТ ПОВЕЌЕ ЗА ДВА ДЕНАРИ - нови цени на горивата од Регулаторна
ЛИДЛ Е „НАЈДОБАР ВРАБОТУВАЧ“: „Вработените се во центарот на нашиот бизнис“ во Србија
ГЕРМАНСКАТА ЕКОНОМИЈА ВО РЕЦЕСИЈА - економските перформанси на земјата опаѓаат втора година по ред
М-Р АРИЈАНА КОСКАРОВА ВО „БИЗНИС-КЛУБ“: „ЗА ПРЕТПРИЕМНИШТВО ПОТРЕБНИ СЕ ИСКУСТВО ЗА РАЗВОЈ НА БИЗНИСОТ, ЕДУКАЦИЈА И ИНВЕСТИЦИЈА“
ЌЕ СЕ БИЕ ТЕШКА БИТКА ЗА НАДЗОРНИОТ ОДБОР НА „МАКЕДОНИЈАТУРИСТ“ - ова се имињата предложени од М.Г. Фешн и „Промедика“, а свои луѓе бара и „Скопски пазар“
„ГОРДОСТА“ НА ГЕРМАНИЈА НА ПРОДАЖБА: Кинезите сакаат да ги купат фабриките на Фолксваген кои компанијата ги затвора
Скопска топилница по 13 години повторно почнува со работа? Ќар ќе имаат само локални и регионални бизнис играчи
АРХИТЕКТОНСКО ЧУДО КОЕ ГО ИМПРЕСИОНИРА СВЕТОТ ВЕЌЕ 24 ГОДИНИ: Мост кој се претвора во подводен тунел и излегува во друга земја
