Сања Лукаревска: Ноемвриската плата од државната помош не е исплатена за 2.421 вработен
Објавено во: Економија 02 Јануари, 2021
Сања Лукаревска, директорката на Управата за јавни приходи, на денешната прес-конференција објави дека ноемвриската плата од државната помош за компаниите не е исплатена за 2.421 вработен.
„ Со состојбата до 29.12.2020 вкупно 596 работодавачи вкупна сума од 36.655.907 денари не ја исплатија како ноемвриската плата за 2.421 вработен“, објави Лукаревска.
До овој датум биле поднесени вкупно 13.851 барање до УЈП за финансиската помош од четвртиот пакет мерки за справување со економските последици од коронавирусот.
Од нив 13.178 фирми потоа исплатиле 1.028.448.344 денари за вкупно 65.950 вработени како ноемвриска плата.
Инаку од овој пакет најголемата сума на помош е 21.776 денари по работник, а најмалата 14.500, во зависност од падот на приходите на претпријатијата.