Санкциите го намалија прометот помеѓу САД и Русија за 30%
Објавено во: Свет 25 Декември, 2015
Поради меѓусебните економски ограничувања прометот помеѓу Русија и САД е намален за 30%, објавил трговскиот амбасадор на Русија во САД, Александар Стадник. Податоците се прелиминарни, но очекувањата се дека до крајот на годината намалувањето ќе се продлабочи до 1/3.
Казните од една страна ја блокираат целосната соработка помеѓу САД и Русија, со што ги поткопуваат темелите на слободната трговија и довербата помеѓу партнерите, посочува уште Стадник.
Во 2014 година прометот помеѓу двете држави бил во вредност од околу 25 милијарди долари, со што Русија изнесувала стоки во вредност од 16 милијарди долари. Во оваа година прометот едвај ќе надмине 20 милијарди долари - од јануари до октомври неговата вредност е 17,4 милијарди долари.
Намалувањето на увозот на американски стоки ги опфаќа сите сектори, но најмногу увозот на машини и опрема, речиси до нула се намалени и снабдувањето со храна и земјоделски производи.
Стадник предвидел уште и дека укинувањето на санкциите нема да значи брзо обновување на трговските односи како со САД, така и со ЕУ, бидејќи на рускиот пазар се ослободени од компании од Западот, кои веќе се зафатени од други играчи.
Според него, и затоа повеќето западни компании се обидуваат да останат на рускиот пазар и дури почнуваат нови проекти. Што истото го прави и рускиот бизнис.
„Во таа смисла санкциите само креваат врева“, изјавил комерцијалниот претставник на Русија во САД.