Сценариото на Путин - Русите спонзорирале лажни вести за изборите во САД

Добивај вести на Viber

Во САД се крева нова паника дека Русија имала огромно влијание врз претседателските избори на кои победи Доналд Трамп, овој пат со спонзорирање на лажни вести на социјалните мрежи каде се потрошени стотина илјади американски долари. Кампањите со лажни вести освен на Facebook и Google се воделе и на Twitter па сега компанијата е во „жешки“ води во Вашинтон. 

Некои американски аналитичари сметаат дека ова е голем план на Путин кој можеби немал намери да му помогне на Трамп да победи, но секако сакал да внесе хаос и параноја на изборите и да го раздрма политичкиот систем на САД, што се чини дека е повеќе од успешно завршена работа.

Голем број на конгресмени од Демократската партија ги посочија социјалните мрежи како едни од главните виновници за скандалот со изборите бидејќи им дозволиле на руските агенти да ја пласираат својата пропаганда насочена против Хилари Клинтон, а во полза на Доналд Трамп. 

Тие ги повикаа Facebook, Google и Twitter на прво место да им бидат демократските вредности, а не профитот особено ако парите доаѓаат од руската влада за саботажа на изборниот процес во САД. 

Социјалните мрежи се обврзаа дека ќе применат софтверски алатки со кои ќе се детектираат и суспендираат лажните вести со малициозни политички пораки.

Засега нема цврсти дека докази дека лично Путин ја наредил оваа операција и дека сите потези се директно преземени од државните руски служби бидејќи можно е да се вмешани и хакери од свои побуди.