СДСМ И ДЕНЕСКА УВЕРУВА - водиме темелни и сериозни преговори за влада
Објавено во: Македонија 09 Август, 2020
Продолжува серијата соопштенија на СДСМ со кои уверуваат дека водат сериозни и темелни преговори за формирање на нова влада.
Повеќе детали не откриваат.
Затоа, пак, тврдат дка на новата власт приоритет ќе и биде економијата и зголемувањето на платите.
„СДСМ започна сериозни, темелни преговори со претседатели и високи претставници на политички партии кои се дел од новиот собраниски состав, за формирање на демократска, политичка, одговорна Влада, која на прво место од својата агенда ќе ја има новата македонска економија“, велат од партијата.
Продолжување на растот на платите и обезбедувањето постојана поддршка на домашниот приватен сектор, тврдат, се меѓу главните принципи на новата македонска економија.
„Тука се вложувањата во младите и во рамномерниот регионален развој и продолжуваме да водиме посебна грижа за најсиромашните граѓани. Јакнењето на економскиот стандард на сите граѓани ќе биде императив на новата Влада. За две и пол години покажавме дека платите и економскиот стандард со СДСМ растат многу побрзо. Во следните 4 години ќе покажеме дека тие ќе растат уште повеќе, за да биде уште подобро. Граѓаните ни ја дадоа довербата, бидејќи знаат дека во наредните четири години ќе работиме уште повеќе и уште подобро“, велат социјлдемокртите во партиското соопштение.