Се бара Верушевски
Објавено во: Македонија 06 Септември, 2019
Каде е Зоран Верушевски и зошто не дојде на денешното судско рочиште ? Ова прашање си го поставува јавноста за актуелниот советник за безбедност на премиерот Заев .
Верушевски ќе добие нова покана за рочиште иако претходната како што пренесоа дел од медиумите повикувајќи се на извори од судечкиот совет не ја примил лично туку му била пратена на домашната адреса.
Кој беше осомничен во случајот „Таргет-Тврдина“ ?
Во „Таргет-Тврдина“ обвинети се поранешниот началник на Петтата управа во МВР Горан Грујевски и вработениот во УБК Никола Бошкоски, кои се во бегство во Грција, поранешната министерка за внатрешни работи Гордана Јанкулоска и поранешниот директор на УБК Сашо Мијалков, како и поранешниот шеф на неговиот кабинет, Тони Јакимовски.
Судечкиот совет на 19 јуни одлучи да се раздвои постапката за обвинетите Грујевски и Бошковски, а да продолжи против останатите обвинети во овој случај. Претходно судечкиот совет ја раздвои и постапката за екс министерката Гордана Јанкулоска.
– „Тврдина – Таргет“ е предмет за тоа дека службени лица од УБК ја уништиле опремата за да не може да се утврди дека на тие машини се прислушувало. Имаме форензичко вештачење во кое се утврдува кој, како и на кој начин прислушувал. Имаме докази во предметот што се уште не е почнат пред судот, а би требало да почне и се надевам дека сите ќе бидеме присутни да утврдиме кој прислушувал. СЈО има многу докази за тоа кој прислушувал и не може овој предмет да го даде на Основното јавно обвинителство, истакна Јанева.