Се готви нов пакет за помош на Грција
Објавено во: Балкан 02 Февруари, 2014
За трет пакет помош на Грција преговара германскиот министер за финасии Волфганг Шојбле пред изборите за членови на Европскиот парламент, закажани за во мај годинава, тврди германскиот неделник „Шпигел“.
Весникот повикувајќи се на документ од пет страници на Министерството, наведува дека овој пакет помош за Грција би се состоел од ново отпишување на грчкиот државен долг или од „ограничена дополнителна програма“, со што би било овозможено Атина да добие свежи пари од Европскиот фонд за спас.
Новиот пакет-помош би „тежел“ меѓу 10 и 20 милијарди евра и би бил условен со стриктен план за спроведување на предвидените реформи од страна на Грција.
Меѓутоа, германското Министерство за финансии ги негира ваквите тврдења на „Шпигел“. - Нема нови моменти, изјави кусо портпаролот на Министерството.
Грција од 2010 година, па досега, во форма на помош доби кредити под поволни услови од меѓународните кредитори во вкупна вредност од 240 милијарди евра, во замена за строги мерки на штедење за намалување на трошоците и за реформи на државниот сектор. Следната рата од долгот на Грција доспева во мај.
Можеби ќе ве интересира
ГРАЃАНИТЕ ДА НЕ СЕ ПРИБЛИЖУВААТ: Целата зграда на Железничката станица во Нови Сад може да се урне?
СИН НА ЗАГИНАТ ВО НЕСРЕЌАТА ВО НОВИ САД: Го препознав татко ми по часовникот
„ПАДНА“ И ПРВАТА ОСТАВКА ВО СРБИЈА: Весиќ се повлекува поради несреќата која се случи во Нови Сад
ГРЦИТЕ ГО ОПОМЕНУВААТ РАМА: Патот на Албанија кон Европа поминува преку Грција
РАМА ВО СОЛУН: Вети дека Албанците ќе го учат албанскиот јазик
ЕВЕ ДО КАДЕ Е ПАТОТ ЕЛБАСАН-ЌАФАСАН: Еди Рама се пофали на Фејсбук
Тинејџер доби притвор за лажни дојави за бомби во осум сараевски училишта
ЕВЕ КОЈ СТОИ ЗАД УНГАРСКАТА КОМПАНИЈА КОЈА ГИ НАДГЛЕДУВАШЕ РАБОТИТЕ НА ЖЕЛЕЗНИЧКАТА СТАНИЦА: Истите тие работат и на Националниот стадион во Србија
МРТВА ТИШИНА, СЕ ПОВЛЕЧЕ И ПОЛИЦИЈАТА: Завршени се истрагите на Железничката станица во Нови Сад, сослушани се 26 лица
