Се јави и Бакојани, која ја блокираше Македонија да се зачлени во НАТО во 2008-ма
Објавено во: Балкан 01 Јуни, 2018
Поранешната министерка за надворешни работи на Грција и актуелен член на опозициската Нова Демократија, Дора Бакојани, со свој коментар за актуелните преговори за промена на името, откако успеа да го блокира членството на Македонија во НАТО во 2008, кога Хрватска и Албанија беа примени, но не и нашата земја.
Тогаш Бакојани беше министеркa за надворешни работи во конзервативната грчка влада во периодот од 2006-2009 година.
Бакојани ја нападна грчката влада дека ја држи опозицијата во целосен мрак околу преговорите за името.
„Провоцирачки е што политичките фактори во државата информациите околу преговорите да ги добиваат од македонските интернет страници и од премиерот Заев, а не од грчката Влада“, реагира Бакојани.
Таа додаде дека политичките партии во земјата треба редовно да бидат брифирани околу развојот на преговорите, забележувајќи дека „отсуството на чувство за демократија претставено од владата ја загружува душата и срцето на секој граѓанин на Грција“.