Се подготвува закон со кој ќе се дозволи производство на ГМО-храна
Објавено во: Економија 01 Декември, 2018
Агенцијата за храна и ветеринарство подготвува измени на Законот за безбедност на храна со кои ќе се овозможат генетски модифицирани производи од Македонија.
Храната со генетски модифицирани организми ќе може да се пласира на македонскиот пазар но компаниите ќе мора претходно да ги поминат строгите законски и подзаконски процедури на одобрување. Прагот без толеранција ќе биде до 0,9 отсто, а се што ќе биде над тоа ќе мора да биде со декларација.
Според сегашните законски прописи производството со ГМО-содржина е забрането се до влегувањето на Македонија во ЕУ, но светските трендови веќе се прифатливи и во моментот, текстот е на финално усогласување со Секретаријатот за законодавство, пред негово проследување до Влада на РМ.
Покрај производството и извозот, ќе биде дозволен и увозот, а измените на законот се всушност усогласувања со регулативите за безбедност на храна во Европа.