СЕ СТРЕСЕ ЈАДРАНОТ: Испукаа згради од потресот
Објавено во: Балкан 15 Август, 2018
Земјотрес од 4,7 степени го зафати централниот дел на италијанската страна на јадранскиот брег, објави италијанскиот Национален институт за геофизика и вулакнологија.
По првиот потрес, се случил уште еден помал земјотрес со јачина од 2,3 степени.
Епицентарот на земјотресот бил во близина на градот Монтечилфоне, на длабочина од 19 километри, а се почувствувал во 23.48 часот, пренесува Анса.
Нема податоци за жртви, но земјотресот доведе до оштетувања и пукнатини на зградите. Многу домаќинства останаа без струја.
Во истиот реон во областа Кампобасо во април годинава беше регистиран земјотрес со јачина од 4,2 степени според Рихтер.