Се укинува бесплатниот превоз за учениците во Битола
Објавено во: Економија 13 Мај, 2018
Градоначалничката на Општина Битола, Наташа Петровска, истакна дека бесплатниот превоз за битолските ученици се укинува поради долговите кои претходната власт постојано го запоставувала.
„Во ваше владение, кога ги донесовме училиштата на колена, каде сега се соочуваме со само кај еден извршител со сто илјади евра, со политики кои вие сте ги терале. Тогаш, никој од вас како советници кога сте биле мнозинство, ниту вашиот градоначалник кој го поддржувавте цели три мандати не смогна сили и не најде начин да го крени тоа прашање до седница на Влада и да се реши проблемот“, рече градоначалничката Наташа Петровска.
Премиерот Зоран Заев кој беше во посета на Битола рече дека било разговарано на тема образование и проблемот треба час поскоро да биде решен бидејќи влијае на квалитетот на образованието.
„Констатација на огромните долгови во училиштата и планот како тоа да го решиме, бидејќи се работи за нашите деца. Навистина огромните долгови прават притисок и врз квалитетното извршување на услугите кои што се кон граѓаните, но се во надлежност на општината. А зборуваме за услуги за образование за децата“,изјави Заев.