Се запали автобус за градски превоз во Скопје
Објавено во: Македонија 13 Мај, 2020
Автобус утрово се запали на последната станица позната како Транспортен центар кај Железничката станица во Скопје.
Како што извести МИА, станува збор за приватен автобус кој е дел од јавниот градски превоз, а се запалил додека не бил во движење.
Командирот на пожарникарската чета Борче Менковски за МИА изјави дека автобусот се запалил додека бил паркиран на стојалиштето и во него немало патници.
Причината за запалувањето најверојатно е проблем со електриката на автобусот.