Седум држави најдобро се борат со пандемијата: Ги водат жени
Објавено во: Свет 14 Април, 2020
Германија, Финска, Исланд, Норвешка, Данска, Тајван, и Нов Зеланд, ова се седумте фржави кои полека ја победуваат епидемијата на коронавирусот. Поедини држави се соочуваат со неверојатни проблеми поради актуелната криза со Ковид-19. Но постојат исклучоци како што се седумте наброени држави кои успешно се справуваат со наметнатата ситуација. Заеничко нешто им е што имаат жени лидери.
Германија
Масовно тестирање и доволно медицинска опрела под водство на Ангела Меркел, смртните случаи во Германија се сведени на најниско ниво. Стапката на морталитет изнесува 1,6%. Неколку фактори се клучни, рано и масовно тестирање, и огромен капацитет на кревети на одделенијата за интензивна нега. Глава улога одигра канцеларката Меркел, која уште на почетокот истакна дека дури 70% од популацијата ќе се зарази, но нивна работа е пациентите да бидат излекувани.
ДанскаЗемјата ја води премиерката Мете Фредериксен и ова е прва земја во Европа која најави олабавување на одредени мерки на рестрикција. Таму се заразени само околу 6.000 луѓе, а починаа 285. Бројот на новозаразени не се зголемува драстично.
Финска
Младата премиерка, Сана Марин се смета најверојатно за една од најуспешните лидерки во Европа. Таа побара од популарните инфлуенсери да шират информации за корона вирусот на социјалните мрежи. Заразени се само 3.000, а починаа 59.
Норвешка
Ова е уште една скандинавска земја која води успешна борба со вирусот и која веќе најави делумно повлекување на поедини рестриктивни мерки. Ја предводи премиерката Ерна Солберг, и таму бројот на заразени е 6.600 пациенти, а починаа 134.
Исланд
Една од првите држави која предупреди на зголемување на бројот на заразени е токму Исланд, па под лидерство на премиерката Катрин Јакобсдотир почна насовно тестирање на сите граѓани на малата островска земја. Дури половина од позитивните случаи немале симптоми, што според експертите е клучно се истражување на коронавирусот. На Исланд заболеа 1.700 луѓе, а починаа 8.
Тајван
И покрај близината со Кина, Тајван, кеде што премиерка е Цаи Инг Вен успешно се бори со Ковид-19. Во оваа држава има околу 400 заболени и само шест починати луѓе.
Нов Зеланд
Премиерката Џасинда Арден во својата држава воведе рана блокада, како и самоизолација за сите кои пристигнаа на островот, а на странците им го забрани влезот и тоа уште кога беа регистрирани само неколку случаи. Во Нов Зеланд има 1.300 заболени, а починаа девет пациенти.