Сеизмолозите предупредуваат – можни се и нови силни потреси на Кефалонија

Добивај вести на Viber

Десетина повредени граѓани, разурнати домови - ова е сликата по новиот силен земјотрес кој утрово го погоди грчкиот остров Кефалонија. Целосно бил разурнат и кејот на пристанишното гратче Ликсури, а според градоначалникот на островот Александрос Парисис има сериозни материјални штети и полесно повредени. Земјотресот бил со јачина од 5,7 степени по Рихтер со епицентар на 12 километри северозападно од Кефалонија, соопшти атинскиот геофизички институт. Меѓутоа, американскиот Геофизички институт измери дека земјотресот бил со интензитет од 6,1 степен по Рихтеровата скала. Минатата недела, овој остров исто така беше погоден од силен земјотрес со интензитет од 5,9 степени по Рихтер. Од тогаш, сеизмичката активност во регионот останува висока, а за една недела се регистрирани над сто потреси. Грчките сеизмолози не ја исклучуваат можноста од нов посилен земјотрес. Според Димитра Сачпаци од Институтот за геодинамика при грчката Национална сеиозмолошка опсерваторија, денешниот земјотрес имал ист епицентар како и претходните и не се изклучува можноста за реактивирање на сеизмолошкото жариште од 1953 година, кога катастрофален земјотрес го погоди овој остров.