Северина испеа стари македонски песни и хит од Тоше
Објавено во: Стил 28 Јули, 2018
Северина е вистинска кралица на шоу-бизнисот. Хрватската поп-ѕвезда тоа го докажа уште еднаш, сношти на концертот во Охрид, на стадионот „Билјанини извори“.
Секоја можна песна и е хит, публиката и ги знае сите наизуст, без оглед дали е новата „Туторијал“, „Тридесете“ или некоја од постарите, како „Пријатељице“ или „Девојка са села“. Меѓу своите хитови низ кои протнува духовити коментари и кокетно врти со колковите, Севе во својот репертоар вметна и македонски народни песни. Свирејќи ги „Македонско девојче“, „Битола мој роден крај“ и „Јовано Јованке“ беше начин да се претстави нејзиниот бенд, „гласи дел од коментарот на Женски магазин“.
Сосема неочекувано, таа ја најави „Игри без граници“ и му ја посвети на Тоше Проески. „Се познававме, но не бевме толку добри пријатели“, беше искрена Северина. „Погледнете во небото и Тоше ќе знае дека сме со него“, додаде таа.