СЕЗОНАТА ПРЕД КОЛАПС: Турција загуби десетици милиони туристи

Добивај вести на Viber

Турција ќе изгуби околу 10 милиони туристи по последните настани во земјата.

Неколкуте сериозни напади во последниве месеци, како и фактот дека Турција го изгуби речиси целиот руски пазар, кој е втор најважен за таа земја, влијаат многу негативно на турскиот туризам.

Сезоната најверојатно ќе заврши катастрофално.

Германците, кои се најчестите посетители на Турција (над 4,5 милиони Германски државјани годишно ја посетуваат Турција), исто така се преориентираат, откако во еден од последните напади загинаа 12 нивни граѓани.

Британците исто така се повлекуваат, а Стејт департментот на САД ги советува Американците да го преиспитаат патувањето кон Турција .

Многу од бугарските граѓани исто така ќе го откажат од патувањето до таму. Бугарите се преориентираат кон соседна Грција и други европски држави.

За да нема разочарани експертите ги советуваат туристите секогаш да ги читаат внимателно договорите, за да знаат под кои услови можат да се обесштетат.

„Се зависи од договорот, тој мора да е прочитан многу внимателно. Во него секогаш има одреден рок во кој без никакви обврски кон операторот туристот може да го откаже своето патување, зависи дали не е на промотивна цена со одредени услови“,велат туристичките агенции.

Се поизвесно е дека и македонските граѓани ќе го пренасочат своето патување кон некоја соседна или подалечна дестинација, а Турција ќе ја заобиколат.

Нападите не влијаеа толку многу врз мислењето на туристите, колку што последните настани ја потресоа Турција.