Шимон Перес не се олади Ал Џезира го нарече воен криминалец
Објавено во: Свет 30 Септември, 2016
Шимон Перес денес со највисоки државни почести беше погребан во Израел со оддавање на почит на голем број на светски лидери. Сепак, контроверзиите не застануваат иако Перез е само што погребан, Ал Џезеира го постави прашањето дали основачот на Еврејската држава е воен криминалец, наместо миротворец како што многумина сакаат да го оквалификуваат.
Ал Џезеира тврди дека ученикот на Давид Бен-Гурион добил задача во 50-тите и 60-тите години тајно да развие нуклеарна бомба со која Израел ќе си обезбеди доминација над Арапските соседи. Исто така се споменува неговата вештина во преговорите која е прецената и дека тој имал мало значење во постигнување на примирје по шестдневната војна со Јордан, Египет, Сирија и останатите соседи.
Ал Џезира дури и тврди дека Перез незаслужено во 1994-та ја доби Нобеловата награда за мир со масовно лобирање во комитетот само за наградата да не заврши во рацете на Јасер Арефат. Сепак, за ваквите сериозни наводи Ал Џезеира не понуди никакви конкретни докази или сведоштва, туку само наводи за мрачната страна на Шимон Перес.