Штерјев: Ќе видиме дали има елементи за разрешување на Јанева
Објавено во: Македонија 27 Август, 2019
Коле Штерјев, претседателот на Советот н Јавни обвинители, за Дојче Веле изјави дека допрва ќе се види дали ќе има елементи за разрешување на специјалната обвинителка Катица Јанева, која е во притвор како осомничена во аферата „Рекет“.
- Денеска ќе почне расправата, ќе видиме дали има елементи за разрешување на Јанева или можеби ќе нема согласност за тоа. Ако одлучиме дека се разрешува, се изготвува Извештај кој го праќаме до Собранието, вели Штерјев за ДВ.
Инаку на Штерјев в четврток му истекува двегодишниот мандат, и нема право на повторен избор. Доколку се оди на разрешување на Јанева, која и онака е во оставка и мандатот и истекува следниот месец, се очекува долга процедура која мора да помине и низ собраниските филтри.