Што договори државно политичкиот врв синоќа за името?
Објавено во: Македонија 28 Јануари, 2018
По пет часа поминати на средба во Клубот на пратениците, македонските политичари не открија многу детали за преговорите за името.
Изјавија дека средбата била информативна и дека нема да даваат детали.
Рекоа дека не сакаат да му наштетат на процесот што се води под покровителство на медијаторот, Метју Нимиц.
Премиерот Зоран Заев рече дека на средбата се презентирани и дискутирани предложените идеи од Нимиц по што размениле информации и мислења за неговите разговори со грчкиот колега Алексис Ципрас.
„Се договоривме да не откриваме детали за идеите на Нимиц за да можеме со господинот Нимиц да разговараме објективно и да нема притисоци и шпекулации од сите страни“- рече Иванов.
За лидерот на ДУИ, Али Ахмети средбата била плодна.
„Многу е важно државата да биде дел од НАТО и од Европската унија во мир и во одржлива стабилност и во иднина за сите случувања јавноста ќе биде навремено информирана и не сакам да му наштетам на процесот со искажување на детали“- вели Ахмети.
И грчкиот премиер Ципрас вчера одржа средби со политичките партии во Грција.