Што ќе се случи со синот на Стојческа: ЕЛЕМ ќе одлучува по наодите на Антикорупциска
Објавено во: Македонија 25 Април, 2019
ЕЛЕМ ќе постапи согласно насоките и заклучоците на Државната комисија за спречување на корупцијата, соопштија денеска од државната компанија за производство на електрична енергија. Оттаму сепак не соопштуваат што конкретно ќе се превземе затоа што за тоа дополнително ќе с еодлучува.
„Во текот на вчерашниот ден од јавниот настап на Комисијата за спречување на корупцијата се информираше за последните наоди на комисијата во врска со случаите на вработување во одредени институции, кои беа предмет на проверка. Како општествено одговорна компанија АД ЕСМ сака да посочи дека По добивањето на официјалниот документ од Комисијата со нивните заклучоци и насоки, и по информирањето на Владата и на Надзорниот одбор на АД ЕСМ, заеднички ќе бидат утврдени понатамошните конкретни чекори. Како и досега во врска со наведениот случај, така и за постапките кои следуваат, јавноста ќе биде навремено известена од наша страна.
Вчера ДКСК побара од Владата и надзорниот одбор на ЕЛЕМ и Трудовиот инспекторат да го провери изборот на синот на пратеничката Мира Стојческа во ЕЛЕМ..