Што најави ,,Епл” на вториот голем настан оваа есен?
Објавено во: Економија 30 Октомври, 2018
,,Епл” го одржа својот втор голем настан оваа есен во еден од најпопуларните места во Њујорк, Бруклинската Музичка Академија, објави Бизнис инсајдер. Првиот есенски настан беше одржан во септември на кој беа презентирани нов ,,Епл” часовник и три нови ајфон модели. На настанот во вторникот ,,Епл” најави нови ајпади, Мак-компјутери и додатоци кои одат заедно со овие уреди. Како на сите свои специјални настани на кои ги објавуваат новите производи и уреди, таа и на овој, на сцената се појави директорот Тим Кук кој вели дека досега ,,Епл” има продадено над 100 милиони Мак-компјутери. ,,Ние сме исклучително горди на ова”, рече Кук. Тој најави дека најновиот компјутер од нивната серија има 13,3 инчен Ретина екран со 4 милиони пиксели и алуминиумската рамка на компјутерот е заменета со специјален материјал. Новиот ,,Мак-бук Ер” доаѓа со идентификатор на допир, компјутерот се отклучува со допир, а истиот доаѓа со специјална заштита на вашите отисоци од прсти и лични податоци.
Новиот ,,Мак-бук Ер” е направен од 100%алуминиум, што го прави најеколошкиот ,,Мак-компјутер” досега направен. Новиот ,,Мак-бук Ер” ќе биде на продажба од 7ми ноември, со почетна цена од 1.199 долари, што е за 200 долари поскапо од неговиот претходник.
фото Бизнис инсајдер