ШТО ОТКРИ: Викиликс објави дел од документите за Турција
Објавено во: Балкан 20 Јули, 2016
Викиликс и покрај масовните сајбер напади, објави еден дел од речиси 300 000 мејлови и над илјада фајлови на владеачката партија во Турција.
Викиликс пред два дена најави дека планира да објави докумнети за структурите на политичката моќ во Турција после пропаднатиот обид за пуч во таа земја изминатиот викенд.
Дел од 294.548 мејлови на партијата на Ердоган Партијата за правда и развој се објавени во 23 часот по локално време во Турција.
„Викиликс го забрза објавувањето на документите како одговор на чистката во Турција после обидот за државен удар“, се наведува во соопштението на таа организација.
„Го верификувавме материјалот и изворот, кој ни на кој начин не е поврзан со обидот за државен удар, ниту со ривалските политички партии или држави“, се додава во соопштението.
Викиликс наведува дека објавувањето на скоро 300 000 мејлови се само прв дел и опфаќа 762 „сандучиња“ кои почнуваат од А доИ.
Сите мејлови се на домен „akparti.org.tr“ кој и припаѓа на владеачката партија во Турција.
Мејловите се од период од 2010 до 6 јули 2016 година, само недела дена пред неуспешниот пуч.