23 Септември, 2020
0.1186

Што требало да разгледува Венецијанската комисија: Разногласие во Владата за Законот за јазици

Објавено во: Македонија 11 Декември, 2019

ДУИ знаела дека пред Венецијанската комисија бил испратен целиот закон за употреба на јазиците, рече Артан Груби во емисијата Топ тема на Телма. Груби вели дека неговата партија очекувала да бидат испратени само делови од законот, а дека практиката на Венецијанската комисија е да се носат законите пред да бидат усвоени а не откако ќе бидат донесени.

„Коалицискиот договор беше да се однесат во Венецијанската комисија само деловите од членот 8, параграф 1 кој се однесуваше на парите, униформите и хартиите од вредност и мислење да се добие од Венецијанската комисија само по тој параграф, рече Груби. 

Вели дека ДУИ не е согласна целиот закон да се разгледува во Венецијанската комисија бидејќи законот одредува материја од Охридскиот рамковен договор и го заокружува нормативниот дел.

Премиерот Заев пак синоќа прашан дали има поделби во Владата или едногласен став за препораките што Венецијанската комисија ги упати до Владата за Законот за јазици, најави дека до крајот на неделата ќе се организираат состаноци на соодветните институции за да можат да усогласат заедничко решение.

„Последните сугестии кон Венецијанската комисија ги дадовме заедно, претставници од мојот Кабинет, Министерството за правда, европски прашања и Министерството за надворешни работи и така ќе продолжиме. Овој закон е една од алките што не спојува во  државата и така ќе продолжиме во иднина градејќи заеднички ставови и сите препораки кои ги кажува Венецијанската комисија да дојдат до светлото на денот, односно да имаат своја соодветна примена. Веќе до крајот на неделата кај мене ќе се организираат состаноци на соодветните институции за да можеме да го усогласиме ваквото решение за навистина препораките од Венецијанската комисија да го добијат она за кое што со причина укажуваат, а тоа е растење на капацитетите на самите институции заради примената, рече Заев, по посетата на Роса центарот за родителство во поликлиниката „Јане Сандански“ во Скопје.

Пратеничката од СДСМ Соња Мираковска во емисијата рече дека договорот уште од самиот почеток бил целиот закон да биде испратен на мислење.

„Се договоривме, ќе го донесеме и законот ќе биде даден пред Венецијанската комисија за да може да добиеме екпертско мислење што во тој закон сметаат дали нешто не е во ред или сметаат дека вака е во ред. Ние се консултираме со Венецијанската комисија за се, дури имаме и одредби од Венецијанската комисија кои станале одредби од закон. Така да не гледам никаков проблем зошто Венецијанската комисија не би дала мислење по овој закон, рече Мираковска.

Можеби ќе ве интересира

Љубе Бошкоски се чувствува добро: Примам терапија уште неколку дена

Љубе Бошкоски се чувствува добро: Примам терапија уште неколку дена

Пендаровски: Ќе се скенираат операторите кои набавуваат чувствителни технологии

Пендаровски: Ќе се скенираат операторите кои набавуваат чувствителни технологии

Оливер Спасовски си го казни партискиот лидер Заев за неносење кацига

Оливер Спасовски си го казни партискиот лидер Заев за неносење кацига

ИЈЗ: Само за една недела регистрирани се 951 позитивни на ковид, зголемен и бројот на починати

ИЈЗ: Само за една недела регистрирани се 951 позитивни на ковид, зголемен и бројот на починати

Несторовска се враќа во МВР како државна секретарка, ќе се спаси ли од лажните мејлови

Несторовска се враќа во МВР како државна секретарка, ќе се спаси ли од лажните мејлови

Повозрасните наставници во паника: Тешко се снаоѓаме со новите технологии, онлајн предавањата ќе ни бидат проблем

Повозрасните наставници во паника: Тешко се снаоѓаме со новите технологии, онлајн предавањата ќе ни бидат проблем

Нема веќе простување: Град Скопје присилно ќе наплатува данок на имот и фирмарина

Нема веќе простување: Град Скопје присилно ќе наплатува данок на имот и фирмарина

Прво посебен протокол, па на кино и театар во Македонија

Прво посебен протокол, па на кино и театар во Македонија

СДСМ: Со внесувањето на Драги Ковачки во Извршниот комитет, Мицкоски ја милитаризира ВМРО-ДПМНЕ

СДСМ: Со внесувањето на Драги Ковачки во Извршниот комитет, Мицкоски ја милитаризира ВМРО-ДПМНЕ