Добивај вести на Viber
Ако уставните измени го забрзуваа нашиот пат кон ЕУ, ние сега ќе претседававме со ЕУ, вели пратеничката Гордана Силјановска Давкова за Тв 24.
Според Силјановска Давкова, пратеник од ВМРО-ДПМНЕ, консензус нема затоа што отворањето на Уставот е наметнато и не произлегува од потребите на граѓаните.
„Зошто сега се инсистира на внесување на Бугарите во Уставот како конститутивен фактор? Далеку од тоа дека се работи за слободи и права туку ова е во функција на бугарската политика. Бугарскиот претседател Радев вели дека сме вештачка творба, а дека Бугарија тука била присутна 1.300 години. Зарем не побараа веднаш Бугарија како држава да учествува во измена на нашиот Устав. Па тие сами си кажаа дека ова е само почеток, во сите следни кластери тие ќе ставаат вето“, посочи Силјановска Давкова.
Вели дека бугарската намера е да се релативизира идентитетот и културата на Македонците.