ГАШИ: Нема проблем Бугарите да влезат во Уставот, но само со гаранции
Објавено во: Македонија 18 Октомври, 2024
Собранискиот спикер Африм Гаши вели дека нема проблем Бугарите да влезат во Уставот, но само со гаранции дека потоа нема да има друг услов.
Тој за Дојче веле нагласи дека е потребно да се одблокира процесот на евроинтеграција, особено по формализацијата на преговорите за членство на Албанија.
Гаши додаде дека Скопје и Софија можат да се договорат, но секоја помош е добредојдена.
„Важно е процесот на евроинтеграција да продолжи и Македонија што побрзо да стане членка на ЕУ“, изјави тој.
Гаши во Берлин се сретна со високи функционери. Инаку, Албанија деновиве го отвори првото поглавје и ги почна преговорите со Европската Унија(ЕУ). Македонија треба да ги внесе Бугарите во Уставот за да продолжи со евроинтеграциите. Сепак, премиерот Христијан Мицкоски бара Бугарија да им овозможи повеќе права на Македонците во Бугарија. Тој спомена да им се овозможи да се организираат во невладини организации.фото Фејсбук/Африм Гаши