ПОВТОРНО БЕСПЛАТНИ ПРЕГЛЕДИ ВО ПУСТЕЦ: Фондацијата „Бугарска меморија“ делува на терен
Објавено во: Македонија 18 Октомври, 2024
Бугарија повторно е присутна на терен во Пустец во Албанија, и нуди бесплатни лекарски прегледи за жителите.
Фондацијата „Бугарска меморија“ од денеска и во наредните два дена, организира бесплатни медицински прегледи во општина Пустец, што е втора година по ред, по оние од септември лани.
Иницијативата која е дел од Договорот меѓу Албанија и Бугарија за соработка во областа на здравството е овозможена со поддршка на Министерството за здравство, Здравствениот дом во Пустец, како и на бугарското Министерство за надворешни работи, претставено од Амбасада на Република Бугарија во Тирана. Целта на иницијативата е да се подобри квалитетот на здравствената заштита на жителите на општината, преку понуда на специјализирани медицински услуги, објави Ора њуз.
Инаку, оваа фондација извесно време е присутна во Пустец и нуди привилегии за тамошните жители. На последниот попис во Албанија, македонското малцинство се намали, а се зголеми бројот на Бугари. Сега според најновиот попис, бројот на Бугари е поголем од бројот на Македонци во Албанија. Македонските здруженија од Албанија се побунија и тврдеа дека Бугарите нуделе привилегии со цел Македонците да се изјаснат како Бугари.