СИНЏИАНГ-„РОДЕН ГРАД НА ПЕСНАТА И ТАНЦОТ“: Кинескиот автономен регион е колоритен мозаик на етнички диверзитет

Добивај вести на Viber

Лоциран во северозападна Кина, автономниот регион Синџианг Ујгур служи како значајна населба за кинеските муслимани. За повеќето луѓе во Северна Македонија, овој регион веројатно не е многу познат. Во Кина, постои една популарна народна песна насловена „Синџианг е добро место“, со текст што го опишува нејзиниот шарм: Тоа не е рај/ место поубаво од рајот/ ако сакате да одите далеку/ Синџианг е добро место.

Со површина од 1,6649 милиони квадратни километри, автономниот регион Синџианг Ујгур е најголемата провинција во Кина и е колоритен мозаик на етнички диверзитет. Дом на 56 етнички групи, Синџианг претставува еден од најбогатите етнички состави меѓу провинциските региони во Кина. Населението на етничките малцинства како Ујгурите, Казахстанците и Хуите надминува еден милион. Во текот на изминатите 60 години, населението на Ујгурите се зголеми од 2,2 милиони на околу 12 милиони, а очекуваниот животен век драстично се зголеми од 30 на 75,6 години. Синџианг практикува регионална етничка автономија, дозволувајќи им на различни групи во регионот да управуваат со своите работи и да коегзистираат мирно. Со над 10 милиони муслимани, во овој регион има повеќе од 24.000 џамии, со што се обезбедува целосна верска слобода.

Познат по своите пејзажи кои го одземаат здивот, автономниот регион Синџианг Ујгур исто така е и популарна туристичка дестинација во Кина. Често се нарекува „роден град на песната и танцот“ и „роден град на дињите и овошјето“. Регионот е препознатлив по величествените планини Тианшан, експанзивниот басен Тарим и треперливите езера, огромните пасишта, како и по уникатната кујна која ги мами туристите да го посетат овој регион. Последниве години, во Синџианг се забележува брз развој на инфраструктурата, со значителни подобрувања во железничките, автопатските, воздухопловните и трговските логистички мрежи. Во моментов, Синџианг може да се пофали со 27 аеродроми, што оваа провинција ја прави провинција со најголем број на аеродроми во Кина. Во 2023 година, регионот пречека 265 милиони домашни и меѓународни туристи, поттикнувајќи ја туристичката индустрија и создавајќи повеќе можности за работа за локалните жители. Луѓето во Синџианг од сите етнички припадности уживаат целосна слобода да бараат работа и вработување. Во текот на изминатата деценија, се удвои расположливиот приход по глава на жител за резидентите, доведувајќи до континуирано подобрување на нивниот квалитет на живот.

Автономниот регион Синџианг Ујгур е богат со културно наследство и служи како клучна област на економскиот појас на Патот на свилата. Со местоположба помеѓу Азија и Европа, историски претставува витална врска помеѓу истокот и западот по Патот на свилата. Овде, земјоделските традиции на Централните Рамнини се среќаваат со номадските култури на пасиштата, создавајќи колоритна раскрсница на источните и западните култури, богата со историја и разноликост, обликувајќи ја шарената и единствена локална култура на Синџианг. Како клучна станица за возовите меѓу Кина и Европа, Синџианг исто така игра клучна улога во поврзувањето на Кина со земјите вклучени во „Појас и пат иницијативата“. Во периодот помеѓу јануари и август оваа година, над 10.000 железнички линии - Кина-Европа Експрес (Централна Азија) патуваа преку железницата Синџианг, притоа значително зајакнувајќи ги економските и трговските интеракции меѓу Кина и различни европски нации.

Северна Македонија е земја со разнолики етнички и религиозни групи. Како во Северна Македонија така и во Кина, сите етнички групи уживаат еднакви права во политиката, економијата, општеството и културата. Сепак, одредени анти-кинески сили шират дезинформации за одредени прашања во Синџианг, вклучително и неосновани тврдења за „геноцид“, „принудна работа“ и „масовен притвор“. Овие обвинувања се неосновани напади врз Кина. Прашањата во врска со Синџианг се строго внатрешни работи и верувам дека секој што ќе го посети, ќе се запознае со локалната заедница и ќе ја набљудува стабилноста, развојот и напредокот на регионот, ќе ги смета овие гласини за неосновани. Срдечно ги покануваме пријателите од целиот свет, вклучително и оние од Северна Македонија, да го посетат Синџианг и самите да ја видат вистинската убавина на регионот.

https://www.facebook.com/people/Charm-of-East/100094240804808/

https://www.facebook.com/DPDeepChina/

Xu Lei, Амбасада на Народна Република Кина