Синот на директорот на ФЕД нема пари за студии

Добивај вести на Viber

Школарините на факултетите во САД пораснале толку многу, што дури и синот на директорот на Федералните резерви на САД , Бен Бернанке, мора да подигне кредит за да ги финансира своите студии. САД до 2025 година ќе имаат недостаток од околу 130.000 лекари, со оглед на растот на постарата популација. Меѓутоа за младите со послаба матерјална состојба медицинските студии стануваат недостижни, а исто така и за оние кои имаат големи задолжувања. Според пишувањето на „Блумберг“, просечниот студентски кредит за  медицински студии во 2012 година изнесувал 170.000 долари, во споредба со само 13.469 долари во 1978 година. Синот на Бернанке, кој студира на Медицинскиот колеџ „Веил Корнел“ во Њујорк, ќе мора до собере дури 400.000 долари до моментот додека не добие диплома. Директорот на ФЕД, Бен Бернанке, минатата година пред Конгресот рече дека очекува неговиот син да излезе со докторска диплома и долг од 400.000 долари. За студентите на медицинските факултети во 2013 година просечните четиригодишни трошоци изнесуваат 278.000 долари во приватните и 207.860 долари на државните факултети, наведува Здружението на американските медицински факултети. Поголемиот број студенти на медицина школувањето го финансираат преку кредити. Каматната стапка за студентите се движи од 6,8 до 7,9 проценти. Каматните стапки на студентските кредити ги одредува Конгресот. Бернанке неодамна предупреди на се поголемото задолжување на студентите. Тој изјави дека регулаторните тела треба „внимателно да ги надгледуваат“ студентските позајмици. Според пишувањето на „Вол стрит журнал“ од декември 2012 година, синот на Бернанке има хипотека на својата трособна куќа кај Капитол хил во износ од 672.000 долари. На општо изненадување, Бернанке го рефинансирал тој долг два пати.