Сисон: Границите на Западен Балкан се дефинирани и непроменети

Добивај вести на Viber

Заменик-амбасадорот на САД во ОН, Мишел Сисон повика на продолжување на дијалогот меѓу властите во Србија и Косово и за намалување на тензиите меѓу двете земји. 

Сисон ги  повика Белград и Приштина да го исполнат веќе договореното меѓу нив. 

„Ги повикуваме сите лидери од регионот да избегнуваат провокативни изјави и да се концентрираат на работите кои ќе доведат до напредокот на нивните земји. Границите на Западен Балкан се дефинирани  и непроменети” - изјави Сисон.

За време на редовниот дебата за состојбата во Косово, кој се одржува секои три месеци, се стигна до остри спорови меѓу претставниците на Русија, Велика Британија, Кина, Србија и Косово.

Шефот на мисијата на ОН во Косово / УНМИК / Захир Тани предупреди за опасните последици кои може да ги имаат националистичките манифестации и изјави. 

Тој ги осуди изјавите на албанскиот премиер, Еди Рама и на косовскиот претседател, Хашим Тачи за можното обединување меѓу двете земји, ако ЕУ продолжи да ги одложиува евроинтеграциите.

Српскиот министер за правда, Нела Кубурович вели дека Приштина  го користи дијалогот како средство за притисок и рекет спрема европските и српските партнери. Таа го постави прашањето за постоењето на српскиот народ во Косово и вели дека во изминатиот период немало никаков напредок.

Амбасадорот на Косово во САД, Флора Цитаку, рече дека “Резолуцијата 1244” одамна е во историјата и ги повика амбасадорите да го посетат Косово и да се запознаат со ситуацијата на теренот.

Според заменик-рускиот амбасадор во ОН Владимир Сафронков со месеци дијалогот меѓу Приштина и Белград се наоѓа во ќорсокак. Според него, “создавањето на армија на Косово е во директно кршење на Резолуцијата 1244”. Москва жестоко ги осуди изјавите на Рама и Тачи во врска со обединувањето на двете држави. Оваа позиција беше поддржана и од претставникот на Кина.