Скандал во Битола: Си ја донел сопругата да породи жена со царски рез?!
Објавено во: Македонија 08 Февруари, 2021
Суспендирани се двајца гинеколози, откако еден од нив си ја повикал сопругата која е невработен гинеколог, странски државјанин, да учествува во породување со царски рез, пишува порталот „Независен“ повикувајќи се на извори од одделението за Гинекологија.
Скандалот се случил во почетокот на јануари, кога помладиот од гинеколозите ја внел сопругата во родилната сала. Двајцата вработени гинеколози биле во салата, но наводно работата ѝ ја препуштиле на сопругата на помладиот гинеколог. По ова еден од вработените во Гинекологија се јавил во полиција и го пријавил случајот.
Според извори на порталот, операцијата на родилката била успешна, па наводно тоа било причината што семејството не реагирало.