Скурлетис: Атина не може да прави повеќе попусти

Добивај вести на Viber

Грција не може да прави повеќе отстапки по прашањето за својот долг и меѓународните кредитори треба да преземат одговорност во овој поглед, изјавил за националната телевизија грчкиот министер за труд, Панос Скурлетис.

„Ние веќе немаме простор за маневрирање. Очекуваме од другата страна да ја преземат својата одговорност“, изјавил министерот.

Грција и меѓународните кредитори треба да го усогласат новиот план за реформи во земјата, што ќе им овозможи по трет пат да се продолжи втората програма за кредитна поддршка на Грција и да и се преведе останатата транша од помошта на износ од 7,2 милијарди евра.

Премиерот на Грција ги обвини кредиторите за своите „апсурдни барања“

Оваа програма требаше да заврши во декември 2014 година, но терминот беше продолжен за два месеци, а потоа и до крајот на јуни. Сега се дискутира прашањето за продолжување на програмата до крајот на 2015 година. Голем број експерти се на мислење дека може да е потребен трет пакет кредитна помош за да може Атина самостојно да излезе на финансиските пазари.

Во исто време кредиторите го подготвуваат последниот предлог кон Грција. Во изминатата ноќ во Берлин се одржала кризна средба за проблемот со грчкиот долг, во која учествуваат германската канцеларка Ангела Меркел, францускиот претседател Франсоа Оланд, претседателот на Еврокомисијата Жан-Клод Јункер, директорот на ММФ Кристин Лагард и шефот на ЕЦБ Марио Драги.

Лагард: Излегувањето на Грција од еврозоната е можно

Како што соопштија германските медиуми, цитирајќи владини извори, целта е да се направи навистина последниот предлог на Грција, кое е задолжително да е врз основа на тековната програма за помош на Атина.