СЛАБА КУПОВНА МОЌ: Во Србија бензинот се продава на рати!

Добивај вести на Viber

Од почетокот на годинава продажбата на горива во Србија опадна за 10%, што ги принуди трговците со нафтени деривати да смислуваат различно стратегии за да ги вратат потрошувачите - попусти за викенд, намаленија, па дури и купување на гориво на три рати. Бензинските пумпи кои нудат бензин на рати без камата велат дека веќе започнуваат да ги чувствуваат резултатите од ваквата мерка. „Продажбата опадна и до 15% на некои бензински пумпи. Куповната моќ е значително намалена, намалена е економската активност, нема пари. Сите мора да нудиме различни погодности за фирми, за постојани муштерии“, вели Бора Татиќ заменик претседател на Здружението на приватни бензински станици во Србија. Тој додава дека возачите го одмеруваат секој динар за да го надополнат резервоарот, а за полнење „до врв“ речиси никој веќе не размислува поради високите цени на бензините. Со најголеми загуби работат бензинските пумпи во пограничните региони на Србија кон Македонија и Босна и Херцеговина. Во нашата земја и во Босна и Херцеговина цените на горивото се пониски отколку во Србија, па голем дел од жителите на овие погранични региони полнат бензин преку граница.