Слабите резултати од претседателските избори го направија своето: Шанси кај Заев имаат само оние што добро сработиле

Добивај вести на Viber

Костадин Костадинов, портпаролот на СДСМ, денеска пред медиумите откри дека премиерот Зоран Заев одлуката да ги разреши сите 78 претседатели на СДСМ на општинските организации и да има конкурс одново се должи на подочекуваните резултати во повеќето општини за време на претседателските избори.

- Промените се тука и видливи, согласно одлуката на претседателот на СДСМ, разрешени се 78 претседатели на општинските организации на СДСМ, односно сите претседатели. СДСМ им се заблагодарува за нивниот досегаешн ангажман на окано ниво. Оваа одлука води единствено кон поправање и коригирање на слабите резултати во општините каде што добивме јасен сигнал од граѓаните и се разбира, продолжување на добрата работа во општините каде граѓаните се задоволни, рече Костадинов.

Пратеникот меѓу редов откри дека шанса за реизбор ќе имаат оние претседатели кои повторно ќе се пријават на конкурсот но при тоа нивните општини дале добри резултати при гласањето за време на претседателските избори.

- Ги охрабруваме оние претседатели во општините каде што беше забележана победа на изборите ги повикуваме повторно да се кандидраат. Промените кои ќе донесат подобар живот на граѓаните продолжуваат. Најавувам и други нови чекори, додаде гласноговорникот.

Тој информира дека во недела попладне ќе се одржи седница на партискиот Централен одбор на кој ќе биде донесени дополнителни одлуки.