Славчо Попоски најавува врнежи од снег
Објавено во: Македонија 24 Ноември, 2021
Метеорологот Славчо Попоски најавува врнежи од снег.
Вели дека утре ќе имаме променливо облачно и релативно суво време, додека од петок и тоа под влијание на влажен воздушен бран ќе има повремени врнежи од дожд.
Попоски информира дека поинтензивни врнежи ќе има особено во западните предели, додека на повисоките планини врнежите ќе бидат од снег.
„Од петок исто така ќе дува и умерен до засилен ветер од јужен и од југоисточен правец. Температурите ќе се искачат во интервалот од 8 до 13 степени, додека за време на викендот, и тоа поради јужното воздушно струење истите ќе бидат повисоки и ќе се искачат во интервалот од 12 до 17 степени. И во Скопскиот регион утре ќе се задржи променливо облачно и релативно суво време, додека од петок па за време на викендот ќе има услови за повремени врнежи од дожд. Од петок исто така ќе дува и умерен, повремено засилен ветер од јужен и од југоисточен правец. Максималните температури ќе се искачуваат во интервалот од 10 до 14 степени. Наскоро конечно планинските места, како и скијачките центри би можеле да добијат значителни врнежи од снег, и тоа на самиот крај од овој, и почетокот на следниот месец, поточно кажано следната седмица“, вели Попоски.
Според него, има можност снежната граница да се спушти и на помала надморска височина.