Со коментар на оваа фотографија од Сараево, Карл Билт го навлече гневот на муслиманите
Објавено во: Балкан 04 Јануари, 2019
Eкс шведскиот премиер и некогашен висок претставник на меѓународната заедница во БиХ, Карл Билт, го „навлече“ бесот со твит на кој, како што проценија бројни корисници на социјалните мрежи, им се потсмевал не само на жителите на Сараево, туку и на муслиманите генерално.
Билт на Твитер објави фотографија од Сараево, на која има жени со бурки, со придружен коментар: „Постои напредок во нашиот свет. Тоа било Сараево пред еден век“.
Некои го нарекоа „Карл Брејвик“, го критикуваа, а дел порачаа и дека се изненадени од неговите ставови.
Некои го потсетија како изгледа „напредокот“ под закрила на Западот, па објавуваа разни фотографии направени во текот на војните во 90-те години на минатиот век.