Со прострелна рана членот на ДУИ починал во болница
Објавено во: Македонија 05 Април, 2018
Според извори на Фактор еден од учесниците во престрелката починал во болница од прострелна рана. Уште еден е повреден во инцидентот кој се случи попладнево во тетовска Мала Речица.
До престрелката дошло поради расправија меѓу две групи која од вербална прераснала во физичка. Потоа учесниците на двете групи извадиле оружје, на 200 метри одалеченост од седиштето на ДУИ во Мала Речица, тетовско.
Еден од нападнатите им пресекол пат на напаѓачите со возило и тогаш бил отворен оган од оружје.
Тројца од напаѓачите се повредени. Еден завршил со фатални повреди, а уште едно лице е во болница пренесено на скопските клиники поради сериозноста на раните.