Собраниската комисија едногласно за разрешување на Јанева
Објавено во: Македонија 05 Септември, 2019
Сите 13 пратеници од собраниската Комисија за именување гласаа за разрешување на специјалната обвинителка Катица Јанева за време на седницата која ја водеше Илија Димовски и траеше кратко зад затворени врати, прифаќајки го извештајот на Советот за јавни обвинители.
Одлуката е донесена без дискусија. Јанева се разрешува поради несовесно и нестручно раководење со СЈО. Седницата беше затворена за јавноста поради класифицираните податоци и важните информации кои ги содржеше извештајот.
Предлогот сега ќе биде доставен до претседателот на Собранието, Талат Џафери, а истиот треба да се стави на дневен ред на пленарна седница.