Сојузот на Русија со Курдите ќе биде судбоносен за Турција

Добивај вести на Viber

Ако Русија почне тесна соработка со Курдите, над Анкара ќе надвисне судбоносна закана. Судејќи според случајот настаните кои се кошмар за Ердоган најверојатно ќе почне да стануваат реалност, пишува Tagesspiegel.

"Отсуство на проблеми со соседите" - таков беше политичкиот слоган на Атмет Давутоглу, кога ја презеде функцијата министер за надворешни работи на Турција во 2009 година. Шест години подоцна, кога тој е на функцијата премиер, станува очигледно дека односите на Турција со соседите речиси целосно се состојат од едни проблеми, како спорови се јавуваат дури со поранешни сојузници - Израел и Египет.

Во последно време Турција конечно го изгубила старото влијание на Блискиот Исток и Северна Африка и е опкружена со противници, се вели во статијата.

Анкара ги смета за експлозивен фактор во регионот сириските Курди и нивното главно политичко движење - партијата "Демократски сојуз", која има блиски врски со забранетата во Турција Работничка партија на Курдистан (ПКК).

Во југоисточниот дел на Турција, турската армија две недели води отворени борби со Курдите, иако уште во текот на летото одеа преговори за мир. Судејќи според последните акции на Анкара, таа ги смета Курдите за сериозна закана за себе повеќе од "Исламска држава", наведува весникот.

На позадината на конфликтот со Русија курдското прашање за Анкара се усложнува уште повеќе. Вооружените борци на "Демократскиот сојуз" во Сирија успешно се спротивстават на терористите од Исламска држава и Русија ги забележува нивните успеси. Минатата недела министерот за надворешни работи на Русија Алексеј Мешков изјави дека Курдите не треба да се исклучуваат од преговорите за мировниот процес во Сирија, како и од колективните напори за борба со исламистите и други терористички групи во Сирија и Ирак, каде тие играат важна улога во спречувањето на терористичката закана.

Анкара ги има сите причини да стравува дека ова е предуслов за соработка меѓу Русија и Курдите. Ако Москва одлучи да им понуди помош, внатрешните проблеми на Турција ќе се искачат на принципиелно ново ниво, смета весникот.