Сомнителната пациентка која шетала до Рим не „закачила“ коронавирус
Објавено во: Македонија 27 Февруари, 2020
Пациентката за која се чекаше резултатот е негативна на коронавирус.
Ова го потврдија од Министерството за здравство од каде посочуваат дека резултатот за присуство на корона вирус кај пациентката за која постоеше сомнеж, а која е една од двата дополнителни случаја што беа тестирани вчера на Инфективната клиника во Скопје е негативен.
– И двата случаја се негативни на вирусот. Во моментов, веќе хоспитализираната пациентка на Инфективната клиника во Скопје која со комбе допатува од Милано е единствениот регистриран случај заразен со вирусот COVID 19, соопшти Министерството за здравство. Другиот тестиран пациент кај кој исто така резултатот е негативен е возач на камион кој патувал преку северна Италија.